進入馬德里的第三日行程, 但之前請先容我訴一訴苦, 話說因為買了早班火車票, 一早梳洗完便落去食早餐, 誰知落到去被告知8:00才開始( 在官網有寫明7:00開始 ), 餐廳經理雖然先給我們入去坐, 但都要等到8:00才開始食, 匆匆用了15分鐘食完個早餐。
食完早餐便迎接另一壞消息, 本來酒店有一個很近的地鐵站, 我們原先計劃搭地鐵到阿托查站, 再行過去連接的阿托查火車站, 但來到馬德里時已發覺那個地鐵站關了, 再問酒店員工, 回答是封了還要是不知何時會再開, 這樣導致我們要用20分鐘行到去一個叫SOL的地鐵站。
去到SOL地鐵站後又是另一惡夢, 因為覺得地鐵票較貴( 單票好像要幾歐元 ), 因為SOL是大站, 所以有火車可搭( 單票1.7歐元 ), 所以最後選擇了搭火車, 而且還可以直達阿托查火車站, 但壞事接踵而來, 因為轉了搭火車, 所以連站名也和地鐵不一樣, 到過了站才驚覺( 是我的失誤 ), 終於坐回頭車去到阿托查火車站已經錯過了原先的那班火車, 唯有浪費多廿幾歐元買下一班火車票, 好了, 苦水吐完, 我們就繼續今日的行程吧。
