2014虛遊東京北海道之旅(四)

第二日(2月1日 下半部 : 釧路)


到酒店check in後放低行李又出動, 在很多年前到訪釧路時, 給我的感覺是一個很寧靜的小鎮, 街上行人很少(接近係無人), 估不到多年後的今天, 竟然沒什麼改變, 街上行人依然很少, 幣舞橋附近依然勁大風勁凍, 那個MOO依然是很早收檔, 但我就是喜歡這種寧靜, 真的很喜歡。

2014虛遊東京北海道之旅(三)

第二日(2月1日 上半部 : 北海道 / 釧路)


正如標題所講, 今日目的地係釧路, 去機場前當然要醫吓個肚先, 呢間漢堡連鎖店, 已經係我啲遊記出現過無數次, 所以"不解釋"了, 不過呢間上野店, 唔知係我地唔識叫, 定呢間特別啲, 個餐牌無早餐SET選, 晨早流流迫我食絕品........。

因為一程內陸唔會有飛機餐食, 所以我地係機埸一人買一個弁当, 實行自備飛機餐。

老婆選了松板牛弁当(1,100 YEN), 而我本來想買山形牛弁当, 但竟然售罄, 最後我轉揀了石垣牛弁当(1,050 YEN)。

上機後等飛機飛定時, 亦是我們的開餐時間, 我那個平50 YEN的石垣牛弁当, 竟然比松板牛那個好味, 果然名氣不等於好味是沒錯的。