今朝一早先來個晨浸, 之後再飲杯冰水真是很爽( 誰說冰水只可以食拉麵時喝!? )。
之後就是早餐時間, 食飽飽才有氣力進行之後的行程嘛! 早餐都是放題型式, 食物種類大概都是那些啦, 比較特別是即製的蛋卷, 圖左上的籠仔蒸豬肉和有多種咖啡選擇的咖啡機( 通常都是沖好一壺壺那種嘛 )。
食完早餐即時要急急起程, 為的是去一個叫熱乃湯( 就近湯畑 )的地方, 看一種名為湯揉( 湯もみ )的表演, 因為入場劵不可早一天買定, 唯有當天才去買, 我們預定看9:30的頭場, 誰知去到已經有很多人排隊買票, 而且亦開始放行入場, 這刻很怕看不到這場, 雖說半小時就有一場, 但因為已安排看完這個表演後, 就要緊接去搭巴士到另一行程, 好彩這個表演場可容納頗多觀眾, 最後我們都可以成功達陣。
這個表演除了有得看外, 亦有一節( 有兩批觀眾可體驗到 )會請觀眾出去體驗, 不過當然人數有限, 多得太太有做功課, 雖然遲入場沒有好位觀看, 但就找到一個出口位( 行出表演場地的位 ), 結果我們雙雙成功體驗到湯揉, 體驗完還有一張"賞狀", 有得看又有得玩, 之後還有"賞狀", 真的一次過滿足三個願望。
完成這個湯揉表演行程後, 便急急行到バスタ－ミナル, 搭乘6號位置"殺生河原 行"的巴士, 因為這條線路有三間巴士公司在不同時段行駛, 而某公司是不停一些站的, 所以乘搭前一定要事先查看清楚時刻表。
來到白根火山纜車站下車, 那時天氣都還可以, 到買纜車票時我們原意是買單程, 再在山頂坐巴士直接回草津溫泉, 但我們說要買單程時售票員面有難色, 在溝通再溝通下, 應該是山頂沒有巴士( 但我看過應該是有的 ), 最後在不敢博的情況下唯有買來回票。
在纜車上山途中都看到一些紅葉, 不過不是太多, 我想再過一頭半月應該就會漫山紅葉了。
在到纜車的一半路程時, 天氣開始已見到是差, 上到山頂之後, 發現大風大霧到一個點, 原先是計劃行上山頂看湯釜, 但因天氣關係封了上山的路, 此時才想起, 可能因為天氣太差才沒有巴士上來, 還有一點不滿的是, 天氣這樣差又不能上湯釜, 一般的纜車都會停開, 但這裡就是照給客人上去, 上到來根本沒有地方可行, 是否有點兒那個呢?
帶著一點遺憾下山, 本來是想回草津才食午餐, 但心想回去後都想再逛一逛, 又見到纜車站附近有個食堂, 想也不想就決定到食堂用餐, 太太要了拉麵, 我要的是炸豬扒飯另再加了一個炸雞, 味道可以價錢合理, 如果要趕時間用個餐, 這處不失為一個理想地方。
回到草津溫泉後, 先去光泉寺, 因為昨晚太夜, 所以賣御守的地方已收, 今天當然不能錯過, 又一間的寺院 / 神社御守入手。
買完御守再在附近逛逛, 亦差不多是時候離開, 老實說我雖然不明白草津溫泉為何連年都是第一位, 但作為一個溫泉區來說, 又真是值得來一次的。
離開草津溫泉後便起程回東京, 由於要在軽井沢轉車, 而中間又有一點時間, 所以就決定"去旅行、去到盡", 去軽井沢那個超大的PRINCE SHOPPING PLAZA血拼一下。
血拼完便乘JR回上野, 今次仍然是住きぬやホテル, 因為位置上實在是很方便, 而且以上野來說價錢亦算合理, 不嫌有點殘舊和細了點的話, 性價比其實算幾高的。
放好行李後又要出外食晚飯, 一早已選定這間在上野的木曾路 上野店, 因為太太之前和朋友來東京時已經試過, 評價都算不錯, 所以就選了這間, 而雖然相片中只得しゃぶしゃぶ和日本料理, 但其實還有我最喜歡的すきやき。
我們點了和牛特選霜降肉( 連稅6,156円 / 一人 ) X 2, 這個餐除了下圖的食物還有白飯( 任添 ), 主要的和牛看下圖就知質素不錯, 以6,156円的價錢算是很抵食, 唯一是如果是walk in的話, 有機會要等一下才有位, 我們就等了大約40分鐘才能入座。
回酒店食埋是晚夜宵又完成了一天行程。
下篇預告 : 咦! 先生貴姓呀?
纜車站無山頂 livecam ? 不過依啲通常幾大霧或落雨都照開.
回覆刪除另外面有難色怕你兩個上去就唔返來....
要參與草津熱乃湯一D都唔易, 大家都十分踴躍, 我就企唔到好位出去了,唯有得個恨字
回覆刪除我同果位先生都熟架, 他姓富
我都係多得太座叫我呀住個位先有得玩咋。
刪除我就同富生唔太熟,見過一兩次咁,但印象中佢有白頭髮,唔知係咪染咗髮XD
係姓富士
回覆刪除有証書好有記念價值, 一場去到無得繼續上山真可惜, 我都曾試過, 忘記邊個山了, 不過當時是停纜車售票處亦停, 去到即轉頭走
回覆刪除曾見過早秋柿, 但未食過, 好食嗎?
係呀, 有証書紀念吓幾好, 同埋又可以出去體驗。
刪除我之前去過好幾個山, 天氣差多數都會唔開纜車, 唔知點解呢個會照開比人上(可能我見識少啦), 再唔係你同我講上唔到湯釜, 我咪自己決定上唔上囉。
早秋柿同一段日本柿味道差不多(但可能係我食唔到個分別), 味道幾好的。