2017年8月6日 星期日

2017真夏。台之旅( 四 )

第4日 (7月3日 西門町 > 桃園捷運台北車站 > 桃園機場 > 香港 )

今天是最後一日, 所以想試個新的早餐, 去了這間永和豆漿, 要提一下, 西門町有另一間永和豆漿, 就是我上一次的台灣之旅, 第一晚去那間西門町芒果冰的位置( 朝早賣豆漿, 下午開始賣芒果冰 ), 但那間和我們幫襯這間人流差很遠, 買了一個狀元餐( 飯包住蛋皮和豬扒 ), 蛋餅和兩杯豆漿

我們是外帶回酒店食的, 但發現這個早餐好像很少, 所以回到酒店後, 又去了酒店飯堂食個早餐補補底, 之後再回房食這個自購早餐, 說回這個永和豆漿買的早餐, 那杯豆漿比想像中甜, 而且不太有豆味, 蛋餅是一般水準, 那舊"飯"( 狀元餐 )味道普通但很飽肚, 順帶一提, 這店的店員都沒什麼好面口, 而且店只營業到中午, 至於幫不幫襯就悉隨專便了。





食完早餐後便check out, 但因為還有點時間, 所以在西門町週圍逛, 因為這次住完西門町後, 發覺這區都頗方便, 所以看看附近其他酒店的位置, 為下一次再來做準備。



逛完後真的要去機場了, 因為時間很充足, 所以選擇行到桃園捷運台北站( 很多人都說西門町行到台北站很近 ), 大約行過15 - 20分鐘便到。



今次坐的這班是快車, 座位亦比到步時那架舒適( 之前那架比較似地鐵 ), 所以如果再搭桃園捷運, 一定要看清楚才上車。


去到機場check in後, 便要去食午餐, 之後便是準備上機了, 今次午餐選擇了度小月, 因為旅遊期間實在沒時間食, 後來知道機場有度小月, 所以便有機會試這間人氣店了。


我們點了一個擔仔麵的套餐, 除了那些配菜外, 還可以選一款小食, 我選了很好評那個黃金蝦捲, 另外再點了兩碗肉燥飯( 小 )炭燒香腸, 擔仔麵比較淡, 但味道可以的, 肉燥飯魯肉飯少了那點油香, 所以我還是比較喜歡魯肉飯, 至於兩款小食, 炭燒香腸合格但沒特別, 黃金蝦捲就很簡單, 如去度小月一定要食, 完!


食完滿足的一餐, 便完成今次的台灣之旅, 雖然只是短短的4日3夜, 但作為下一次旅程的緩衝都是很不錯的。


下圖是今次的送禮自用手信, 豬肉干太陽餅鳳梨酥愛文芒芭樂



下次預告 : 準備中!

6 則留言:

  1. 度小月香港開咗但應該唔會試, 識食一定去台灣食
    黃色芒果好大個, 香港買好貴

    回覆刪除
    回覆
    1. 其實邊度嘅名食店,嚟到香港開都唔係果回事,所以都係本地食好啲
      黃色果個都係第一次試,香港我好似無見過

      刪除
  2. 2份早餐唔會餓啦, 機場捷運舒適又方便, 可以直達西門町就perfect, 話咁快又4日3夜, 今次無預告相嘅, 我估日本 ^^

    回覆刪除
    回覆
    1. 其實兩個早餐份量唔算多,但個狀元餐舊飯真係好飽,所以又真係唔餓囉
      我都想桃園捷運可以直達西門町,但而家其實都算好方便啦
      4日3夜係快過架喇,因為次次預告埋去邊,好似少咗啲神秘感,所以想到出BLOG先開故,敬請期待^^

      刪除
  3. 探路睇定酒店係咪下次都是台北, 但又唔似連續去台北, 夏天去台北最啱食愛文芒, 買回來怕焗或壓爛嗎?

    回覆刪除
    回覆
    1. 我只可以講唔係台灣
      壓爛就唔怕,因為我地都保護得好好,反而返到香港要快啲食,因為香港比較潮濕,擺太耐好易爛

      刪除