正如標題所講, 今日目的地係釧路, 去機場前當然要醫吓個肚先, 呢間漢堡連鎖店, 已經係我啲遊記出現過無數次, 所以"不解釋"了, 不過呢間上野店, 唔知係我地唔識叫, 定呢間特別啲, 個餐牌無早餐SET選, 晨早流流迫我食絕品........。
因為一程內陸唔會有飛機餐食, 所以我地係機埸一人買一個弁当, 實行自備飛機餐。
老婆選了松板牛弁当(1,100 YEN), 而我本來想買山形牛弁当, 但竟然售罄, 最後我轉揀了石垣牛弁当(1,050 YEN)。
上機後等飛機飛定時, 亦是我們的開餐時間, 我那個平50 YEN的石垣牛弁当, 竟然比松板牛那個好味, 果然名氣不等於好味是沒錯的。
很快便到達釧路空港, 上次到訪釧路是搭火車的, 所以今次是第一次踏足釧路空港, 這個空港規模很細, 有點像中部空港, 不過交通算很方便, 過關後就有機場巴士(910 YEN / 1人)出市區, 而巴士班次是跟航機到步時間, 所以一出機場就能見有巴士在等, 算是很方便和貼心。
只需約45分鐘便出到釧路駅, 今晚住的酒店是很近車站的TOKYU INN, 雖然不比上次到訪住的那間ROYAL INN好, 但以位置上是不相伯仲, 房間亦算企理, 只是沒有了那些很好味的麵包吧。
下篇預告 :
再訪寧靜小鎮釧路, BBQ晚餐補完計劃
釧路竟然唔多雪 ^。^ 我睇咗幾個北海道內陸機場，巴士都系航班到著後10至20分鐘開出，無機會比你喺機場hea 。。。哈哈哈
回覆刪除係無落雪(但地面都有積雪),但夜晚好大風,都吹到個人彊硬,內陸機埸都無咩行,所以都唔會點hea啦
刪除小肥, 國際線又如何? 你幾時見人一到 HND/KIX/NRT 就周圍 hea? 個個都第一時間搭車走啦.
刪除哈哈, 我就系嗰D 等3粒鐘轉飛千歲嗰D 無聊人呀 . ../TT\ 所以, 成田, 羽田入面D食店都試咗好幾間. . . 哈哈哈
刪除轉機又點同
刪除由釧路機場出市區要幾耐呢?
回覆刪除落車位近唔近酒店? 計劃行程中, 想參考參考大大的行程
由釧路空港到JR釧路駅, 大約45分鐘, 但都要視乎交通情況, 至於落車位我地就係釧路駅落, 因為我地間酒店就近釧路駅,至於近唔近妳果間我就唔知啦。
刪除我乜都未訂架, 所以都打算搵翻D近駅的酒店
刪除謝謝大大 ^^
唔使客氣, 駅附近都有唔少酒店嘅, 妳可以搵搵。
回覆刪除