第四日 ( 10月3日 高山 / 名古屋 )
今早食完這個早餐後, 就完成今個旅程的溫泉酒店, 之後下一站會回高山, 傍晚再回名古屋。
回到高山差不多已經三點, 日本大部份食店都會有落場時間, 午市通常去到二時為止, 在找高山食店時, 亦遇上這個問題, 最終找到這間沒有寫到有午市落場時間的丸明, 而且看評價好像都不錯。
點了一個飛驒牛拼盤(3,280円), 國產豚肉(480円), 美國產牛舌(680円), 之後再追加了一些飛驒牛, 整體上價錢與質素都合理, 個人意見不用食到A5的都可以, 不過花得起當然可以食A5的。
食完美滿的一餐飛驒牛後, 襯回名古屋前還有些時間, 當然要在高山遊走一下, 不過上次到高山已經遊覽得八八九九, 今次鐵定企硬不會再狂掃飛驒寶寶。
在回車站前想買點食物上車食, 本來看中下圖中的飛驒牛漢堡, 和斜對面食店的鰻魚飯, 這間賣漢堡的店待客態度好到不得了, 我們進去時已經接近關門, 但所有員工都沒有一絲怠慢, 亦沒有厭惡神色, 記得我只是幫襯買一個漢堡包。
買完漢堡包便過對面店想買一客鰻魚飯, 誰知此店待客完全是兩個世界, 我很禮貌地問一位大叔, 鰻魚飯有沒有得外賣, 那大叔用近乎喝罵的語氣說沒有, 這件事可以說明給一些人知, 不要一廂情願覺得日本所有人都很有禮貌, 我就不只一次遇到會打尖又不禮貌的日本人。
下圖這個飛驒牛漢堡, 雖然拿到上車食涼了很多, 而且要690円好像很貴, 但我真心覺得很值得, 不過下次買一定要即時食, 一定會更加美味。
回到名古屋先到酒店放低行李, 之後當然又是食啦, 找了這間喜多八, 初時是想食すきやき的, 但因為這間喜多八是主要食壽司, 入到去氣氛都有點怪怪的, 由於我的失誤沒有看清楚, 入了去又不好意思走, 最後在沒有すきやき情況下, 叫了一個味噌火鍋加高千穗牛(5,000円 / 1人), 這個鍋還要是攞過獎的, 不過那個味噌鍋實在太濃, 那些高千穗牛和跟餐的扁烏冬, 真是食不知味, 雖然這鍋攞過獎, 但恕我不懂欣賞了。
食完這晚餐後, 就去附近看一看明天要乘車的地方, 免得明早才找浪費時間, 確認了乘車地點後, 買了夜宵甜品便回酒店, 因為明天要早起呀。
下篇預告 : 不解釋
我係高山都食過飛驒牛漢堡好好食
回覆刪除食過就知係好嘢
刪除丸明聽聞很多人食, 難得你可以這麼少人, 馬上入座, 睇到都流口水
回覆刪除真係無諗過買飛驒牛漢堡包, 下次有機會要試試, 店難搵嗎? 是否一間漢堡包店?
預祝你新年快樂, 身體健康, 龍馬精神地再去日本
因為我地成三點幾先去,已經過晒午餐時間,所以無晒人。
回覆刪除唔難搵嘅,就係鍛治橋果度,係一間CAFE嚟。
我都祝妳新年快樂,喜氣洋洋,要咩有咩,日本常去。
我都有食過呢間飛驒牛漢堡包呀 ! 仲坐o係 cafe 入面慢慢食,入面旁邊係賣音樂盒的,所以一邊食一邊伴隨著音樂鈴聲,好舒服
回覆刪除我地去到都差不多收舖,而且又要趕車,所以唔可以坐低食。
刪除旁邊其實唔止有音樂盒,重有飾物賣。