前言 : 這次四國之旅已經準備多時, 但由於我們都沒有車牌, 所以亦不可能自駕遊, 唯有在行程上遷就, 所以以四個県組成的四國, 只可以去到三個 ( 愛媛、香川、德島 ), 正如標題所講無高知的, 亦等如給我們借口再去一次, 好了, 正式開始我們的旅程吧!
第一日 - 前半 ( 9月26日 香港 / 羽田空港 / 松山空港 / 道後溫泉 )
今次同樣坐香港快運, 但時間是很久沒有坐過的半夜機 ( 23:50 ), 而且廉航又沒有飛機餐 (就算有, 我都唔係好想食 ), 所以理所當然又是去LOUNGE的時間。
去完LOUNGE就到閘口等上機, 去到本來應該上機的522閘口, 這時才發覺顯示板上我們的班機, 已改為沒顯示登機閘口, 而起飛時間亦改為預計00:50, 本來平常遲一小時是沒大問題, 但因為我們到達羽田空港後, 要即時轉機飛往松山空港, 所以此時亦有點擔心, 最後確定要轉往66號閘, 尚幸只是照已改的時間起飛。
雖然都比原定時間遲了, 但因機師亦飛快了, 都不算遲太多, 但時間始終少咗, 所以唯有快快追回時間, 當然亦沒時間影相, 過關 → 攞行李 → 再check in → 買便當 → 過關 → 登機, 終於安全抵壘, 可以安心享用我們的早餐便當。
食完便當再恰一恰便到達松山空港, 機場是比較細 ( 只看到境那層 ), 但到境層的人流反而比中部空港多, 中部空港比松山空港大很多, 但兩次到達中部空港出到大堂都沒什麼人, 很是奇怪, 由於沒有什麼時間, 所以快快買車票到下一站。
正式進入今次四國之旅的第一個行程 - 道後溫泉, 下車後先在車站附近影影相, 再沿途往今晚入住的酒店放低行李, 而今晚入住的是下圖的椿館。
離開酒店本應往下一站道後溫泉本館, 但在途中見到這間えひめ果実倶楽部みかんの木, 來到蜜柑盛產地愛媛県, 當然要試蜜柑食品, 這間店有多款蜜柑果汁, 亦有蜜柑雪糕, 我們當然每樣來一個, 蜜柑雪糕味道得一種, 但果汁有四種, 我揀了清見タンゴール, 味道很濃很好味, 至於蜜柑雪糕就有點普通了。
在果汁店對面又有間谷本蒲鉾店, 名物是拿過獎的じゃこカツ ( 即炸魚餅 ), 我們除了炸魚餅外, 還買了一個太刀魚卷, 炸魚餅即時炸起, 外脆內彈牙, 不錯吃, 至於太刀魚卷那個醬汁頗鹹, 只是普普通通。
滿足完口腹之慾後, 就輪到身心上的滿足, 終於有幸見識這個道後溫泉, 我想這個溫泉這麼出名, 除了因為真的很出名外 ( 廢話 ), 就是拜一套多年前的動畫- 千與千尋, 動畫裡的大浴場 - 油屋, 設定的原形就是照這間道後溫泉做的, 我想有看過這動畫的人, 來到看到這間道後溫泉, 都會有種莫名的親切感。
這裡的入浴費分4種, 最平的兩種價錢只可以浸地下的神之湯, 而較貴的兩種價錢可浸二階的靈之湯, 而我們揀了可浸靈之湯的套票 ( 1,250円 / 1人 ), 這套票包括毛巾、浴衣、茶和せんべい, 還可以浸神之湯、靈之湯, 享用靈之湯二階席休息室, 參觀皇室專用浴室 ( 又新殿 )。
坐完凌晨機後, 又勞累了一個上午, 浸番個熱水浴的確可以消除一定疲勞, 雖說那個浴場其實不算太特別, 皇室專用浴室不看亦沒所謂 ( 全個人感覺 ), 但那個休息室反而出奇地感覺良好, 我們各自買了咖啡和牛乳, 坐低吹吹風扇納納涼, 你都咪話唔爽。
在道後溫泉休息過後, 便又到午餐時間, 在附近的街道找到這間食房 夢而今, 太太要了屋台風らめん ( 670円 ), 我要的是豚ロース勝烈定食 ( 1,080円 ), 拉麵的食後感據太太說是過得去, 而我的那個炸豬扒定食就很不錯, 外脆內軟又不會乾柴柴。
下篇預告 : 恋人の聖地? 咪中伏囉!
印象中無咩邊個恋人の聖地唔係伏.......
回覆刪除完全認同.....
刪除點中伏呢, 遇唔到戀人 :P
刪除全國有 136個, 通常都係啲無咩特別地方吸引人去先叫恋人の聖地, 不過都有啲係 okay 既, 例如幸福駅。
刪除下篇會講點中伏,敬請期待………
刪除終於等到四國了, 第一日直去道後溫泉咁正, 看到動畫的真實建築物真是很有共嗚, 想知浸連食茶點一小時足夠嗎? 唔知想留耐些可以嗎?
回覆刪除你地個飛機早餐食便當好得, 可以入選最佳飛機餐 XD
其實佢個利用時間都係講1小時(最貴果個套票1,550円會多20分鐘), 所以理論上一定夠時間, 當然如果唔參觀皇室專用浴室又多15分鐘,另外我唔知過咗時間佢會唔會叫人走XD。
刪除自備嘅當然食好DD啦!^^
一粒鐘會唔會少咗D, 不過人家搵食無得講, 是否很多人去浸
刪除感覺上係有啲趕,不過還可以啦。
刪除我地日間去漫唔算太多人,反而夜晚經過見到人山人海。
係呢, 有無搭少爺列車, 其實道後溫泉多人嗎? 見到那些公仔好有趣, 又果汁又小吃, 真的越睇越多野問咁
回覆刪除有搭,下篇會講到,道後溫泉個區唔算很多人,環境算係幾舒服。
刪除道後溫泉條毛巾幾靚, 買了都未必捨得用
回覆刪除聽聞愛媛柑在當地是有名, 怪不知果汁雪糕都不可少
是的,愛嬡県盛產蜜柑,所以蜜柑食品很多。
刪除作者已經移除這則留言。
回覆刪除兩款牛牛便當,邊款好味啲呀 ?
回覆刪除石垣牛我上次食過, 今次食宮崎牛, 我覺得兩款牛肉都唔錯, 不過宮崎牛裡面舊明太子有少少腥, 總括石垣牛好啲。
刪除