今天是旅程最後一天, 乘14:35的機回香港, 實際可活動的時間不多, 所以只在附近買了早餐回酒店, 食完舒舒服服的等"小黃"來接我們到機場。
其實買完早餐之後, 我們還去了下圖的松江市場 ( 是在酒店附近的 ), 不過正確目標是市場後的街市, 而本來今早是想去上引水產的, 雖說都很近我們酒店, 但一來一回都要時間, 而早日發現原來在酒店附近, 就有這麼一個地道的街市, 當然就捨遠取近吧, 而目標物就是愛文芒, 本來還想買些其他的生果, 但8個愛文芒已經很大袋, 所以最後都放棄了, 回到香港才後悔, 因為部份愛文芒是給人做手信的, 淨下的根本不夠喉, 此時真的後悔買得太少。
食完早餐執好行李後, 就在酒店hea時間等車來接, "小黃"亦很準時來到, 在車程中和"小黃"閑談一些台灣人事, 很快就去到台北機場的第二航廈, 到櫃台checkin後就過關, 可能是第二航廈的關係, 這裡沒太多店舖, 食店也只得兩三間, 所以求其找了一間就算, 叫了一個鯖魚定食 ( 我 ) 和薑汁豬肉飯 ( 即係豬肉生薑燒囉 ), 一樣無尋味指數, 亦同樣是味道OK的。
食完午餐便等上機, 和去程時一樣飛機要延遲起飛, 只是沒去程延遲那麼多, 上機後就是食上一篇那個所謂的飛機餐 ( 包 ), 和繼續看我未看完的復仇者聯盟2, 但竟然兩程機也看不完.......sosad, 就這樣在未看到結局的情況下回到香港, 完成這次我的台灣初體驗。
後語 : 這次台灣之旅真的是急了點, 即使是基本景點又或是行夜市, 感覺也不太夠時間, 而我對台灣這地方感覺亦不錯, 是一個可以持續旅遊的地方, 有機會一定會再到訪, 下圖是今次的戰利品, 以我們來說都算買得少了。
下回預告 : 2015年初秋真四國之旅
我下個月又去台北所以入來參考下, 睇到妳下個行程又係我想去既地方, 遲啲又來參考吓....期待ing
回覆刪除多謝妳睇我個blog,不過我寫得好求其,唔知有無參考價值^^;
刪除妳遲啲都去四國?我唔知寫唔寫得切呢………
勤力些寫快些咪得, 影多些秘景相來看看呀
刪除盡量啦XD, 相一定會影嘅, 但我都未知邊啲係秘景XD
刪除愛文芒幾錢一個?
回覆刪除紅色芒果咁似我係沖繩買的﹐要1000yen一個
計番港幣大約$15個,你講果隻可能係太陽芒,個樣同愛文芒係好似,但味道我就唔知,因為我未食過太陽芒。
刪除台灣漢堡如何? 我上次食熱狗就同香港做法唔多一樣
回覆刪除line店多唔多野賣呢? 你個cushion幾靚
即叫即做, 味道唔錯的, 一定好過麥當當
刪除LINE專賣店地方唔算大, 貨品都算OK啦, 不過好似話呢間店有佢獨家嘅嘢賣,但我唔知係邊樣
秘景四國好吸引喎, 見到張圖都覺得好秘景, 但奇怪又不多人去, 包括我也未去過, 但比你講一講又好想plan去
回覆刪除可能四國太鄉下啩, 交通又唔算好方便, 所以少人去都唔奇, 妳想去咪plan囉
刪除非自駕遊真.四國無雙, 難度好高喎.
回覆刪除無辦法啦, 我地兩個都無車牌嘛, 不過事在人為啫, 唔自駕都唔死得人嘅, 我地已經plan咗唔去咁多地方囉
刪除咁當然好多人都係靠公共交通工具去四国,只係麻煩少少。
刪除唔自駕無咁方便就預咗架喇, 正所謂食得咸魚抵得渴, 無理由為咗方便啲走去考個車牌啫
刪除