今朝倒塔咁早就要去機場, 為免好似某次咁, 一早起身見到白茫茫一片, 原來昨晚落大雪, 個心嚇到離一離, 驚去唔到機場, 所以今次醒喇, 早一日買定車票, 所以真係好順利就到咗機場, 不過05:58嘅頭班車就真係早到呢......, 總之就好眼瞓囉。
去到機場快快手去咗check in先, 之後梗係食早餐啦, 不過好多食店都未開, 求其一間有開就入咗去, 炸豬扒丼( 1,340円 )和肉烏冬( 1,000円 ), 味道可以, 完。
食完早餐就去閘口hea住等上機, 9:10真係話咁快就上機, 而且班機都幾full, 好彩架機係242座位, 我地兩個坐窗口位唔使同人迫。
飛機起飛後大約一小時, 由太太精心策劃最期待的畫面出現了, "燈燈燈櫈"各位觀眾富.....士.....山。
「誰能憑愛意要富士山私有」......, 其實很多人都在飛機上影過富士山, 但始終要影到富士山, 一定要有天時地利人和, 今次我地都叫見識過, 已經無憾了。
影完富士山又到食飛機餐, 嘩! 你睇個飛機餐, 真係睇見都想食, 你唔係唔食呀, 食完個咁正嘅飛機餐, 跟手睇套戲, 再瞓一陣就返到香港, 一次美好的旅程又完結了。
下圖是回港當日的下午茶, 機場買的萬來豚角煮包, 味道都唔錯, 但唔夠鹿兒島那間岩崎本舖好味。
今次旅程入手物品總編集, 順序是神社御守、食品手信、衫褲、鞋、雜項。
後記 : 在寫這遊記的期間, 應該大家都知道九州的熊本和大分県發生了7級以上的地震, 更做成了重大損壞和人命傷亡, 雖然今次旅程無去熊本和大分, 但多年前的九州之旅是有去的, 看到曾踏足過的地方, 現在都是滿目瘡痍,真的很傷感, 不過我不會說希望以後沒有這些天災橫禍( 因為沒可能 ), 只希望日本政府好好的做救災和重建工作, 不要像福島一樣, 幾年時間都未重建到, 一大堆災民還是住在臨時房屋, 老套的一句說話「時間可以修補傷痛」, 希望那些災民可以盡快回復正常生活。
下回預告 : 快閃食泡菜, 快閃食泡菜, 快閃食泡菜, 因為很重要所以要講三次!
你格離個個幾時開始寫九州遊記?
回覆刪除我估無咁快，佢重寫緊四國（笑）！
刪除9點機真係好早喎, 遅一班機無位???? 或是專登早機睇富士山
回覆刪除上空睇到富士山真有運仔
你的收穫都幾豐富呢, 尤其是符, 好靚
係無位，唔關睇富士山事，要睇到只要係日頭機（廢話），由成田飛香港坐右邊嘅窗口位，起飛後留意時間（我大約起飛成個鍾先睇到，但有啲人講唔使咁耐），最緊要係天氣好就應該睇到。
刪除係呀，我對符係有大愛㗎。
我又要睇富士山, 記住劃右邊位先
刪除作者已經移除這則留言。
回覆刪除黑豚包似夾住午餐肉^^
回覆刪除等你泡菜之旅
其實裡面係豚角煮,都幾漏架
刪除泡菜之旅6月先去,而且只係快閃去4日
精彩精彩精彩的旅程, 因為好精彩所以要講3次
回覆刪除影到富士山真正, 我搭晚機就無緣了
好多好靚的符, 尤其是武雄神社有個盒, 好正
多謝妳讚賞,影到富士山真的可遇不可求(因為就算坐啱方向,天氣不好一樣看不到),不過妳下次不妨計劃下,可以試一試運氣,最貴的一個符,有個盒係好合理嘅XD
刪除