2019九州家族之旅( 二 )

第2日 (11月16日 博多 > 小倉 > 博多 )

因為不想早上才找地方食早餐, 所以訂房時已經訂埋早餐, 這裡是自助形式, 食物款式都算很多, 味道亦很不錯, 唯一是食客太多, 有機會要等好一陣子才能入座, 如果那天有限時的行程, 最好早點落去比較穩妥。

 今天是去小倉, 食完早餐便行到博多駅乘車, 車票早一日已經準備好, 所以便可輕輕鬆鬆去上車了。

到了小倉駅下了車 ( 連車站都忘記了影-.- ), 便乘的士到第一個景點, 就是小倉衹園 八坂神社了。

今日( 其實應該是兩日? )神社正舉行新嘗祭, 座位還未有人入座, 應該是還未開始吧。

八坂神社在福岡都算是很大名氣, 不過地方不算很大, 所以行了一圈和買完御守已經可以離開了。

之後的一站就是小倉城, 由八坂神社是有路可行到小倉城的, 而未見小倉城之前, 先見到佐ヶ木小次郎和宮本武藏的石像。

經過了一個小公園就會見到小倉城的天守閣, 就這樣看好像和其他城沒大分別, 據維基資料說, 這個小倉城是細川忠興以南蠻風格建造( 而我不知南蠻風格是什麼, 南蠻炸雞我就識^^ ), 而這個小倉城的主人除了細川氏和小笠原氏外, 之前都經歷過很多人入住, 又話個城係細川忠興起嘅?點解之前又會有人係度住? 睇返資料其實小倉城建造時間不詳, 照我估計( 真係估架咋 )個城起好後可能唔係叫小倉城, 又或者無特別名字( 果時個城應該佔地唔係好大 ), 直到細川中興入主, 用了7年時間修建( 細川當時主要係住中津城 ), 令到小倉城變成同佢40萬石大名( 石係當時計算領地的單位, 40萬石其實已經好大 )相稱嘅居城, 我估因為果時個城規模大咗, 之後先叫做小倉城啩。

因為有老人家在, 所以就無入去參觀了, 到此一遊便算。

離開時見到有個菊花擺設的展覽, 那些攞獎的作品有部分我都覺得幾特別。

 今日天氣非常好, 就城外的一條護城河, 簡簡單單已經覺得很美麗。

回到小倉駅後, 因為已經是午飯時間, 而且回博多的車又未到時候, 所以先就近在AMU PLAZA的6/F, 找到這間洋麵屋 五右衛門用餐。

這間意粉連鎖集團之前已食過, 價錢合理味道又有保證, 唯一是可能當日多人, 上菜的時間比較較慢就是了。

食完午餐便乘車回到博多, 再到酒店小休一下, 之後便乘的士到晚餐的地方- 佐賀牛 季樂。

有睇開我遊記的朋友, 應該記得我在佐賀的本店已經食過, 不過當時是食午餐的SET, 今次就食晚餐, 還有是散叫的牛, 價錢當然是貴得多。

我都不記得點了些什麼, 只記得不是全點佐賀牛( 起碼牛舌一定不是 ), 如果全是佐賀牛就真的很金了。

雖然不是全部都是佐賀牛, 但国產牛已經很好味, 真是令人回味無窮的一餐。

食完滿足的一餐便乘的士回酒店, 可能因為太滿足, 連夜宵甜品都不需要食了。

下回預告 : 由布院補完計劃