第二日 ( 7月2日 中正紀念堂 / 永康街 / 淡水老街 / 漁人碼頭 / 師大夜市 )
今日一早就有行程, 就是到中正紀念堂, 始終去旅行不能夠一天到黑只有食吧, 不過去觀光前, 當然要醫一醫肚先....., 這間金峰不是什麼名氣店, 只是近我們要去的景點, 而且很多本地人都會去的地道店, 而食物就是魯肉飯和鐤邊趖, 魯肉飯汁多肉好味, 少少一碗又不會太飽, 鐤邊趖是一碗湯雜燴, 味道還是可以的, 尋味指數 : 無得唔試。
食完早餐就進入正題了, 今日又係非常好天, 而中正紀念堂又大部份是空地, 真係曬到呢....., 之後入中正紀念堂等看換班, 真佩服那兩位當值軍人, 一小時內保持站立姿勢, 而且紋風不動, 雖說是在室內, 但又沒有冷氣, 又要著長袖軍服, 我企了一陣都汗流浹背, 所以睇完換班即閃。
早上看完景點, 又要到下一個景點了, 而這個景點就是.....鼎泰豐, 咦! 這間是食店喎, 全對, 但同時這裡亦是一個景點, 而在門口排隊時, 已有小姐給點菜單給我們, 雖然現場看似很多人, 但只等了大約15分鐘便可入坐, 我們點了普通的小籠包和蟹粉小籠包各一籠, 先來的是蟹粉小籠包, 上菜時小姐還說, 叫先食蟹粉的, 如覺太濃味可換一籠普通的, 食物質素先不說, 淨計服務態度就先贏一回。
說回食物, 照服務員說先食蟹粉小籠包, 以味道計蟹粉味不濃, 肉餡算新鮮夠熱, 但包中湯汁不多 ( 台灣稱小籠包為湯包 ), 這方面是不合格, 但整體上算是可以的, 另外一款普通小籠包, 基本上只是少了蟹粉味, 其餘是和蟹粉小籠包一樣的, 尋味指數 : 本來應該是給無驚喜的, 但連同服務來說, 可以加回少少分, 就給個無驚喜都試吓吧 ( 話晒都鼎泰豐吖, 比個面好喎 )!
由於時間緊迫, 食完鼎泰豐又要去下場, 就是相距不遠的永康街, 這裡又是旅客必到的地方, 不說大家都知是食牛肉麵, 去的當然是打著永康街名號的永康牛肉麵, 這間有40多年歷史的店, 我想10個去台北的人, 11個都會去試的 ( 除非不喜歡吃牛肉麵 )。
由於要留一留力以應付之後還有的數餐, 所以只叫了細牛肉麵和細牛筋麵各一 ( 我地係咪好細食呢?XD ), 等不多久麵就來到, 終於是我很想食的紅燒牛肉麵了 ( 大滾動 ), 循例又先喝一口湯, 濃濃的牛肉味, 加上些微的辣令人很開胃, 麵條比牛店有咬口, 牛肉牛筋夠腍又入味, 果然不負40幾年老店之名, 尋味指數 : 無得輸。
食完一碗濃郁的牛肉麵後, 又要找些能清清味蕾的食物, 來台灣當然又是食雪花冰啦, 今次找來這間芒果皇帝, 這間來頭不少, 在台灣開飯喇網頁, 以搜尋度和口碑排全台灣第三 ( 頭一二位在芒果之鄉台南 )。
我們再次示範眼闊肚窄的壞習慣, 叫了一個芒果牛奶雪花冰, 和士多啤梨雪花冰, 看到食物時已經覺得很足料, 而且看相會不清楚份量, 其實都幾大兜, 士多啤梨那個已經很不錯, 但到台灣果然是食芒果才是王道, 這個比西門町的還要好, 因為這個冰底是牛奶冰, 比西門町那個全芒果的較有層次, 芒果是一樣的甜, 尋味指數 : 無得輸。
食完甜品便滿足地離開永康街, 而下一站是淡水老街 - 漁人碼頭, 嗱, 唔好話我地淨係識食喇, 我地都有遊覽景點架。
由淡水捷運站, 可沿老街行到尾, 再轉左落航運碼頭 ( 這個不是漁人碼頭 ), 或者由老街轉入商店街, 再沿岸邊行到航運碼頭, 再不是直接由淡水站沿岸行亦可, 這裡有幾間航運公司, 乘那一種可自行決定, 我們揀了最平的 ( 不是上圖那隻 ), 船程大約15分鐘。
來漁人碼頭本來是想看日落的, 可惜下午過後天氣開始陰暗, 看日落的願望就落空了, 所以在遊覽了不久便走, 順帶一提, 由於那些船由漁人碼頭回老街的尾班是六時, 如過了六時才離開, 便要搭巴士回去, 而巴士的好處是可以直接回到捷運站。
離開淡水後就到今天最後一個行程 - 師大夜市, 搭捷運到台電大樓站, 在4號出口再行一段路便到, 由於師大夜市是由幾條橫直街構成, 又沒有饒河那種牌樓招牌, 所以如果各位有機會去, 就要小心會行過龍啦!
一進入師大範圍不遠, 先試一試這檔許記生煎包, 與其說是生煎包, 還不如說是煎的小籠包吧, 至於味道就是不過不失, 尋味指數 : 無驚喜。
跟住要試的是這檔雞房重地, 賣的是一種叫脆皮鹹水雞的食物, 有全隻、半隻和1/4隻加配料, 那些配料大多是雞內臟, 不好內臟的人淨買雞就好, 由於老婆知我好雞,而在台灣這種鹹水雞亦頗有名, 所以老婆會力推介給我食, 我買了半隻不要配料, 他調配這個雞的型式, 就類似香港那種用小膠袋裝的撈麵一樣, 雞肉的質感是有咬口那種, 但個人覺得肉質偏韌, 味道亦沒什麼特別, 可能是不對我的口味吧, 尋味指數 : 無驚喜。
之後轉到另一邊的街口, 這檔燈籠滷味都算是師大夜市最旺的一檔, 買食物的人不斷, 應該差不到那裡吧, 這裡是自己夾食物, 店員再用滷水幫你翻熱, 再將食物裝入袋, 和給兩隻紙碗, 如想坐低食, 要在相連的一間台式飲品店, 購買一定價錢的飲品, 就可以到用餐區坐低食, 由於我們沒有買飲品, 在街邊將食物倒落碗, 其實有點論盡, 說回食物味道是不錯的, 難怪這麼多人幫襯, 尋味指數 : 無得唔試。
再來這檔師園只是求其找, 因來到台灣都沒食過鹽酥雞, 所以就試試這檔, 又是自己夾食物, 她再幫你炸和調味, 連鹽酥雞再加了兩樣, 調味很淡, 以台灣的一貫重口味, 這個算是不合格, 尋味指數 : 無驚喜。
食了那麼多嘢, 臨離開前在這檔會上癮台式飲品買了兩杯飲料, 飲料不太甜亦很解渴, 另外此店有一特別之處, 就是落單那個店員真是過目不忘, 你落單後是沒有號數單據給你, 但店員就能認得那一杯是誰的, 尋味指數 : 無得唔試。
這盒夜宵西瓜, 是由師大行回捷運站時, 經過的一檔小水果檔買的, 只賣50台幣, 另外還多買了一盒芒果留另一晚食。
下篇預告 : 人生有個真正朋友的確好極!
咁多無得輸/無得唔試, 都好難跟, 等我去日本修煉多十年八年先得.
回覆刪除對我嚟講無得輸 / 無得唔試啫, 如果係你就自已降番兩級啦, 不過你會去台灣先算啦!XD
刪除去台灣緊係為咗掃街, 要求都唔同啦.
刪除我有去過台灣架! 依家想去食祥雲XX.
係淡水沒有食物進肚喎 :P
回覆刪除夜市的確不錯, 價錢又不太貴, 不過師大我就未去過, 只知台灣人好似頗喜歡食脆皮鹹水雞
淡水好似淨係買咗杯嘢飲, 因為沿途無咩啱食,鹹水雞我真係唔係好識欣賞, 不過夜市真係幾好, 又平又多嘢食。
刪除7月台北係咪好鬼熱﹖我2月去我已經覺得好熱
回覆刪除頭兩日出太陽真係熱到呢, 就算之後陰天都勁熱。
刪除