第三日 (7月3日 行天宮 / 國立故宮博物院 / 台北車站地下街 / 台北101大樓 / 寧夏夜市 )
今日行程緊湊, 所以一早先要食個早餐, 本來不是食以下這間老哥水煎包, 但行過酒店附近的橫街時, 見到都有幾間食店, 而見到這間的水煎包好像不錯, 就坐低飲啖茶食個包, 少少哋叫了一個高麗菜和鮮肉, 味道不錯而且熱辣辣, 又只是14元一個, 尋味指數 : 無得唔試。
在食正式早餐前, 其實是有一個景點要去, 我們住的酒店在行天宮這區, 當然就要來行天宮一趟, 其實我不知行天宮有幾出名, 但由門口到內裡的善信不絕, 行天宮的裝潢更不是普普通通, 如果住在這區不妨抽時間來看一看。
行完天宮就真正去食早餐了, 找了這間喜多士豆漿店, 名物是招牌蛋餅 ( 老婆叫了這個 ), 我叫了薄餅油條和蘿蔔糕, 另外每人一杯豆漿。
老婆的蛋餅我沒試, 不過應該和我的薄餅油條差不多, 只是老婆的是蛋而我是油條, 先講豆漿, 很久未有飲過如此有豆味的豆漿, 甜味又適中, 至於我的主菜薄餅油條, 那塊包著油條的薄餅很脆, 而裡面的油條亦很脆, 加埋就是好很脆, 而味道亦調配得不錯, 最後是蘿蔔糕, 只需用兩個字便能說明 - 普通, 這間喜多士食物整體不錯, 而且不要小看那件薄餅, 是一定夠飽的, 除非唔夠飽, 尋味指數 : 無得唔試。
食完早餐第一個行程就是到故宮博物館, 因為展覽館都不能拍照, 所以只好放兩張館外的相, 不過如果對歷史有興趣, 這裡還是值得一來的, 補充一句, 我們乘的士來的時候, 的士司機提醒了我們, 早上到中午是最多人的, 而且大多是強國人, 如果不想太多人, 可選擇接近黃昏的時間。
行完故宮後, 又乘的士到台北車站, 看下圖會發現, 有很多人都會在車站大堂蓆地而座, 如果在香港, 這種情形肯定不會發生, 這就是文化大不同吧。
來台北車站都只是為了逛地下街, 我們只行了一條地下街, 那條街有一半是賣些草根的商品, 另一半可說是動漫電玩街, 街尾還有部份食店, 我們只繞了一圈, 雙腳已好像廢掉一樣, 真係年紀大、機器壞。
行到攰當然要食嘢補充, 在台北車站樓上的食店街, 找到這間鬥牛士, 點了一個安格斯西冷 (499台幣 ) 和半龍蝦霜降牛排 ( 599台幣 ), 再各加60台幣轉餐, 計回港幣才百多元, 說真的味道雖然不能說是一等一, 但以這個價錢配以食物質素, 絕對是合格以上, 尋味指數 : 無得唔試。
食完午飯緊接就是到101大樓朝聖, 其實都只是來影幾張相, 和到底層買點手信就走, 因為裡面的店鋪大都不是我杯茶。
之後就係去搵轉老朋友, 即是去LINE專賣店, 去到當然不少得要放少少血, 買完影完就速閃回酒店放低戰利品。
回酒店放低物品, 再抖順條氣便又再出動, 目的地是今次旅程最後的一個夜市 - 寧夏夜市, 亦是我們今晚買晚餐的地方, 由於之前兩個夜士都是企街食, 感覺不是太良好, 所以今次決定一次過買齊回酒店, 舒舒服服地慢慢享用。
買了幾樣食品, 瑪拉桑原住民山豬肉香腸, 買時見到覺得幾正, 但回酒店食時凍了, 而且肉質很肥, 失敗。 邱記碳烤買了幾串串燒, 可是又是凍了, 感覺不甚好味, 失敗。 在一檔忘了影相的檔口買了兩碗魯肉飯, 一句講晒 : 同金峰無得比, 失敗。 最後是東山鴨頭, 之前睇以為是滷水, 誰知那些的確是先滷了的食物, 但最後卻是用炸的方法, 總之就唔好味囉, 失敗中嘅失敗, 總括所買幾樣食品的尋味指數 : 最好唔好試。 但都要補上一句, 寧夏夜市值得去的, 因為真係好多嘢食。
好彩還有之前買落的愛文芒做飯後果, 才能補償一下受傷的心靈。
下篇預告 : 又飛啦, 係番歸咋!
故宮用多耐行嗎? 白菜在那層?
回覆刪除我係101都無去埋line friends, 早知都兜埋過去啦
大約行咗個半鐘, 白菜係第三層。
刪除妳係幾時去台灣? LINE專賣店好似上年先開。
前年秋天去的 :D
回覆刪除如果妳前年去就未開喇!^^
刪除寧廈夜市與饒河相比差點點, 但看樣都可以咁喎, 士林變室內都是扣分, 夜市吸引處是各有不同
回覆刪除豆品在台無得輸, 巧巧吃
寧夏都好多嘢食,不過可能咁啱我哋買果啲唔好食,又可能凍咗都有啲影響
刪除Best bets for soccer today - Sports Toto
回覆刪除Today, we're going to tell 토토 사이트 추천 you a few key to checking into soccer betting casino-roll.com apps. poormansguidetocasinogambling of the most popular soccer betting 바카라 사이트 options and which ones will 출장안마