今次住的這間酒店, 因為房價已包了早餐, 所以今早可以舒舒服服落樓下食自助早餐, 雖然好像沒太多款式, 但簡簡單單就好。
食完旱餐先搭車到吉祥寺, 因為機票套餐包了一晚酒店, 我們就選了住吉祥寺, 不過因為未到check in時間, 只是到酒店放低行李。
由於朋友要黃昏才到, 而之後的行程亦會集體行動, 所以我們就用這大半日各自行動, 我就不用多說了, 秋葉原是必然的第一站。
因為行了幾圈都找不到想買的物品, 所以便走了去夾公仔。
之前在這間舖的同一部機夾到過公仔, 所以便舊地重遊, 如上圖所示夾到的是啡色的一隻, 而下圖的是之後換上的, 雖然這次比上次用多了一點錢, 但成功夾到還是很開心的。
這間便是我兩次成功夾到公仔的TAITO STATION。
離開秋葉原的下一站是池袋, 離不開又是到JEANS mate買衣物, 為何會來這一間呢, 因為這間是我去過最大的。
其實這時已經三點多, 還未食午餐是因為秋葉原想食那間太多人, 到在池袋購物完發覺已經是三點多了, 最後找了這間とんこつ らぁ麺 だるまのめ。
這裡除了有拉麵外還有すためし( 燒肉丼? ), 而我就點了チーズすためし。
這碗丼的味道還好, 但比我上次在秋葉原食那碗バター豚丼就有點距離。
食完午餐便急急回吉祥寺酒店會合太太, 因為太太都是在吉祥寺逛, 所以太太按時已到酒店check in。
這間TOKYU REI HOTEL是近年住過比較大的商務酒店( 其實是我們來來去去都是住那間吧 ), 這間房亦是比住過的大一點點, 高級一點點。
因為之前收到朋友通知航班誤點, 所以還有點時間他們才到, 我們就襯空檔去了食pancake, 本來想食幸福pancake, 但想到此時應該要排隊, 剛好站附近有這間PANCAKE HOUSE, 就來試一下吧。
因為朋友到了就差不多要食晚餐, 所以只點了一份pancake和一杯飲品, 飲品正常沒特別, pancake高質, 個人覺得比幸福pancake差不了多少。
還有少少時間去了JINS買眼鏡, 本來香港都有JINS, 但想買的款式和顏色就沒有貨, 所以唯有來日本先買了。
終於等到朋友來到會合, 但未即時食晚餐, 因為商店街八時後便會開始關門, 所以便先和朋友購物。
這間えびすだこ基本每次來吉祥寺都會食, 這店的八爪魚丸是我食過水準最穩定的。
今次點了ねぎゴマ塩味, 八爪魚丸本體沒問題, 但那個ねぎゴマ塩的汁就很鹹, 下次都是點回一些穩陣的味道好了。
晚餐就在這間吉祥寺っ子居酒屋 とりとん, 但入到店內坐低了才知, 此店沒有中英文餐牌, 亦沒有懂中英文的店員, 但意外地招呼我們的店員很有耐心亦很有禮貌, 而且完全沒有黑面, 說真的近年在日本遇過不少黑面的店員( 酒店也有 ), 尤其是一些純日本地道店( 即沒有給遊客用的餐牌和懂外語的店員 ), 所以這店未食已經加了很多分。
和朋友的碰杯, 祈求之後的登山順順利利。
粉絲炒豬肉
炒雞肝
鰻魚炒蛋
串燒
炸魷魚鬚
沙律蝦球
鐵板雞扒
下圖這碟完全記不起是什麼, 但總括來說這間居酒屋的食物和服務, 都是近年食過最滿意的, 沒有之一。
食完晚餐當然要有夜宵甜品, 大滿足!
下回預告 : 登山前的一天, 輕鬆郊遊的一天@河口湖
夾咁大隻, 好阻喼位 :P
回覆刪除都OK啦, 我地又唔係買好多嘢,個喼都夠放,不過其實我之後係hand carry上機XD
刪除handcarry上機咁cute XD
刪除Jins配眼鏡真係算平
正確啲講我係放背囊帶上機嘅XD
回覆刪除JINS係平在個眼鏡框,如果塊鏡要好多功能,其實都唔平
吉祥寺個八爪魚丸我都食過, 真係好多口味
回覆刪除日本呢D pancake真係好有水準
呢間居家酒屋的食品看落不錯, 只有日文menu就....對我倆來說啫
呢間八爪魚丸我係好推薦,吉祥寺必食
刪除暫時食過幾間都真係唔錯,但個人覺得最好食都係幸福
其實佢個meun係有圖嘅,不過就唔係全部食物都有